ज्ञानाची शिकवण, साठवण आणि त्याचे दळणवळण मानवाच्या प्रगतीसाठी महत्त्वाचं असतं. शैक्षणिक साहित्याचं योगदान यासाठी मोलाचं आहे. खडू-फळा, पाटी-पेन्सिल, कागद-पेन ते संगणकापर्यंत बहुविध शैक्षणिक साधने विद्यार्थी व शिक्षक या दोघांनाही अध्ययन व अध्यापनाकरिता आवश्यक ठरतात.

त्यांचा इतिहासही तितकाच रंजक आहे. त्यांचे शोध. निर्मिती, त्यांतील विज्ञान, त्यांचा वापर आणि त्यांच्या निवडीसाठीचे निकष कळाल्यास या साधनांविषयी जवळीक निर्माण होते. त्यांच्यातील योग्य बदल-आधुनिकता, सुलभता, अध्यापन व अध्ययनासाठी अधिक प्रभावी ठरत आहे.

या प्रभावी शैक्षणिक साहित्याच्या रंजक कहाण्या सर्व विद्यार्थी आणि शिक्षकांना वाचाव्या वाटाव्या इतक्या आकर्षक आहेत. सर्वच शैक्षणिक साहित्याचे एकत्रित ललित । वाङ्‌मय-प्रकारातील हे कहाणी रूपाने मांडलेले आणि सर्व बाबींचा रंजक पद्धतीने या पुस्तकातून अभ्यास व्हावा या उद्देशाने लिखाण झालेले हे पुस्तक. हे इतिहासविषयक मराठी पुस्तक वाचकांसाठी अत्यंत उपयुक्त आहे.