दहशतवादाविरुद्ध लढण्यासाठी हवी इस्रायली जिद्द !
निसर्गाशीही लढून शेती करणाऱ्या इस्रायली डॅनीची जिद्द ! 'ऑपरेशन थंडरबोल्ट' च्या कारवाईचं साद्यंत नाट्य यात अतिशय परिणामकारक रितीनं रंगवलं आहे.
ही कथा कल्पित वाटावी, इतकी आश्चर्यकारक पण तितकीच वास्तव आहे ! ही कथा आहे माणसांचं झंझावाती शौर्य आणि मानवी स्वभावातील भेकडपणा, लाचारी यांचं एकत्रित दृर्शन घडवणारी, सरकारी कामकाजाच्या ढिलाईची !
ही कथा आहे इस्रायली लोकांच्या कडव्या देशप्रेमाची आणि दहशतवाद्यांच्या जीवघेण्या, तर्कदुष्ट निष्ठेचीदेखील !
अनंत सामंतांच्या जोरकस, प्रवाही, तरी संयत भाषाशैलीनं त्यातील क्षण न् क्षण जिवंत, थरारक केला आहे. भारावून टाकणाऱ्या या कथावाचनानंतर, कोसळत्या विजेसारखी लखलखणारी, आक्रमक कामगिरी करणाऱ्या इस्रायली जवानांना आपणही 'शालोम' करतो.