Overview:
ऑरिजिन ऑफ स्पेसीज निसर्गातील जातींचा उगम माणसांचा उगम, उत्क्रांती आणि जीवनाच्या इतिहासावर प्रकाश टाकणारा विज्ञानविश्वातील कालजयी ग्रंथ! चार्ल्स डार्विन हे जगप्रसिद्ध निसर्ग अभ्यासक, भूगर्भशास्त्रज्ञ आणि जीवशास्त्रज्ञ होते. त्यांच्या On the Origin of Species या ग्रंथाने जीवसृष्टीकडे पाहण्याचा वैज्ञानिक दृष्टिकोनच बदलून टाकला. पृथ्वीवरील सर्व सजीव एका समान पूर्वजापासून उत्क्रांत झाले आहेत, हा त्यांचा सिद्धांत आधुनिक जीवशास्त्राचा पाया मानला जातो. या पुस्तकात डार्विन जीवसृष्टीतील विविधता, नैसर्गिक निवड (Natural Selection), उत्क्रांतीची प्रक्रिया आणि जीवांचा त्यांच्या पर्यावरणाशी असलेला परस्परसंबंध यांचे सखोल पण तर्कशुद्ध विश्लेषण करतात. जातींची निर्मिती, त्यांचे बदलते स्वरूप आणि पर्यावरणाशी असलेले त्यांचे नाते यांचा उलगडा अत्यंत अभ्यासपूर्ण पद्धतीने केला आहे. हे पुस्तक प्रकाशित झाल्यानंतर त्यावर मोठ्या प्रमाणात वादविवाद झाले; मात्र काळाच्या कसोटीवर ते यशस्वी ठरले आणि आजही उत्क्रांतीविषयक वैज्ञानिक अभ्यासाचा आधारग्रंथ म्हणून त्याला मान्यता आहे. मराठी वाचकांसाठी डॉ. धनंजय केसकर यांनी हा महत्त्वपूर्ण ग्रंथ सोप्या, प्रवाही आणि शास्त्रीय अचूकता जपत अनुवादित केला आहे. त्यामुळे विज्ञान, निसर्ग आणि उत्क्रांती यांविषयी उत्सुकता असलेल्या प्रत्येक वाचकासाठी हे पुस्तक एक अमूल्य वैचारिक ठेवा ठरते. "'ऑरिजिन ऑफ स्पेसीज'च्या मराठी आवृत्तीबद्दल मनःपूर्वक अभिनंदन! उत्क्रांतीवादासारख्या गुंतागुंतीच्या विषयाचे इतक्या अभ्यासपूर्ण आणि प्रभावी पद्धतीने मराठीत सादरीकरण करणे हे खरोखरच प्रशंसनीय आहे