Vastu Shiv Vidnyan (वास्तु शिव विज्ञान) : सध्याचे युग हे गतिमान युग आहे. गतीचे नाते प्रवाह, संघर्ष यांनी युक्त आहे. सर्वंकष स्पर्धा हेच जीवनाचे सूत्र झाले आहे. प्रत्येक पाऊल यश- अपयश, सुख, दुःख, चाकोरी, रहाटगाडगे, नैराश्य, वेदना यात जीवनाचा खरा प्रवास हरवला आहे. या साऱ्यापासून सुटका करून घेण्यासाठी काही हळव्या माणसांनी बुवाबाजी, तोडगे व अशास्त्रीय मार्ग पत्करले आहेत, तर काही निराश शिकंदरांनी मद्य, मद आणि मैथुन यात स्वत्व विसर्जन केले आहे. एका जैन तत्त्वज्ञाने याची उपपत्ती / कारणमीमांसा फार उत्तम केली आहे की, 'ही सारी असमयाची प्रजा आहे.' काळ, काम, वेगाच्या युगात सारे काही अकाल होऊन गेले आहे.