Overview:
अंतिम असमाधानाच्या शोधात पायपीट करणं, याचीच झिंग असते का माणसाला ?नवनव्या जखमा करून घेत, वेदनांच्या धुंदीत सुखाचा आभास कवेत घेणं, याचंच वेड असतं का माणसाला ?खरंच काय हवं असतं अखेर...चिमूटभर आयुष्यासाठी !जे मिळालंय ते भिरकावून रितेपणाचाच ध्यास घेतात का माणसं ?सावलीला कोंडून निखाऱ्यासाठीच झपाटून वणवणतात का माणसं ?एरवी सुखी असायला काहीच हरकत नाही, अशा झगमगीत जगाची ही विलक्षण तगमग...वर्तमानाच्या त्वचेवरच्या ठिणगीसारख्या चटका देणाऱ्या; आणि चटका लावणाऱ्या या उष्ण, रसरशीत कथा !आडपडदा न ठेवता थेट काळजालाच दंश करणाऱ्या...