पश्चिम महाराष्ट्राच्या ग्रामीण भागातलं समाजजीवन, माणसांचे इरसाल नमुने प्रथितयश लेखक शंकर पाटील विलक्षण पद्धतीनं उभे करत. त्यांच्या शब्दाशब्दांतून व्यक्तिरेखा जिवंत होत वाचकांसमोर साकारत. त्या मातीचा गंध शब्दांत प्रभावीपणे टिपण्यातून हे घडत असे. वन्हाड-विदर्भातल्या व्यक्तिरेखा आणि समाजजीवन अशाच प्रकारे आपल्या विनोदी कथांतून कुणी साकारत असेल तर ते अशोक मानकर. विविध मासिकं आणि दिवाळी अंकांतून अस्सल वऱ्हाडी बाजाचं लेखन अशोक मानकर करत आलेले आहेत. 'गणपत फॅमिली इन न्यूयॉर्क' मधून अशोक मानकरांची 'वन्हाड एक्स्प्रेस' वाचकांना रंजक सैर करून आणल्याशिवाय राहणार नाही.