जॉर्ज ऑर्वेलच्या साहित्यविश्वाचा मागोवा घेत डॉ. आनंद जोशी यांचे ‘ऑर्वेलच्या अवतीभोवती’ हे पुस्तक वाचन, चिंतन आणि समांतर संदर्भांच्या समृद्ध प्रवासाचे दर्शन घडवते. नाईन्टीन एटीफोर व ॲनिमल फार्म यांसारख्या कालजयी कादंबऱ्यांपासून ऑर्वेलच्या वैयक्तिक आयुष्य, लेखन, विचारविश्व आणि समकालीनतेचा बहुआयामी वेध यात घेतला आहे. जागतिक साहित्य, अनुवाद, चरित्रे, लेख, चित्रपट आणि वैचारिक संदर्भ यांची सांगड घालत हे पुस्तक वाचनाच्या सर्जनशील प्रक्रियेचा शोध घेते. ऑर्वेल हा केंद्रबिंदू ठेवून लेखक वाचकाला स्वतःच्या वाचनप्रवासाचे नवे अर्थ आणि शक्यता शोधण्यास प्रवृत्त करतो.