मर्दानी खेळ आचारसंहिता

‘मर्दानी खेळ आचारसंहिता’ हे वि. श्री. चोपदार (आबाजी) यांचे पुस्तक महाराष्ट्राच्या पारंपरिक मर्दानी खेळांकडे शिस्त आणि जबाबदारीच्या दृष्टीने पाहण्याची दिशा देते. मर्दानी खेळ म्हणजे केवळ शस्त्रकौशल्याचे प्रदर्शन नव्हे; त्यामागे संयम, साहस, एकाग्रता आणि आचारविचारांची परंपरा आहे. या परंपरेतील आचारसंहितेचे महत्त्व अधोरेखित करणारे हे पुस्तक मर्दानी खेळांविषयी कुतूहल असणाऱ्या वाचकांसाठी उपयुक्त ठरते. खेळाडूची वृत्ती, सरावातील गांभीर्य आणि परंपरेविषयी आदर यांचा विचार करण्याची संधी यातून मिळते. महाराष्ट्राचा हा वारसा जाणून घेऊ इच्छिणारे अभ्यासक, प्रशिक्षक आणि तरुण यांच्यासाठी पुस्तकाचे शीर्षकच एक महत्त्वाची भूमिका मांडते: कौशल्याला शिस्तीची जोड हवी. मर्दानी खेळांच्या सांस्कृतिक मूल्यांकडे लक्ष वेधणारा हा ग्रंथ वाचकाला त्या परंपरेशी नव्याने संवाद साधण्यासाठी विचारप्रवृत्त करतो

ओळख मर्दानी कलेची 
कोल्हापूर म्हणजे कलानगरी, या नगरीत अनेक कलाकार जन्माला आले, अनेक कला जोपासल्या गेल्या; आणि अशा कलांपैकीच एक दुर्मिळ कला मर्दानी खेळ. तीन तपाहून अधिक काळ या कलेचा अभ्यास करून ही कला लोकांपर्यंत व शासन दरबारी पोहचविण्याचे कार्य करणारे, संस्था मंडळ, संघटना, व्यक्तिमत्व शिबिर या माध्यमातून शेकडो तरुण-तरुणींच्यामध्ये मर्दानी कलेची आवड निर्माण करणारे, स्वतःबरोबरच समाजाचे रक्षण करून समर्थ युवापिढी घडविणारे उमदे व्यक्तिमत्व म्हणून श्री. विनय श्रीकांत चोपदार साऱ्या करवीरवासियांना परिचित आहेत. तरुण वयातच 'वस्ताद' पद भूषविणारे व मर्दानी खेळाची पताका साऱ्या महाराष्ट्रभर फडकवत ठेवणारे वस्ताद 'आबाजी' या नावाने साऱ्यांना परिचित व आदरणीय आहेत.
समाजकल्याण मंत्रालयाबरोबरच अनेक संस्थांनी त्यांना उचित सत्कार व पुरस्कार देऊन सन्मानित केले आहे. 'प्राचीन युद्धकला महर्षी' या पुरस्काराने त्यांचा गौरव केला आहे.
आजवरच्या अनुभवातून व अभ्यासातून त्यांनी प्राचीन मर्दानी खेळावर पुस्तक लिहून भावी पिढीसाठी मौलिक कार्य केले आहे.
पर्णाल इतिहास संशोधन मंडळ, पन्हाळा